Parevanu faiddi

li to peri

e ‘nto tirrenu comu

un fogghiu biancu

traiettorii, parabuli

e passaggi disignavi

ancora prima du tuccari

la testa muvevi e taliavi

l’occhi sapevanu comu

na geometria già pinsata

unni u palluni avevanu a pusari

nicareddu Turuzzu

tu eri ma granni

‘nto campu divintavi

comu se avissi l’ali

c’un filu di vuci tu parlavi

d’amarizza la faccia comu

cu si dumanna ragiuni e

u pirchì nun capisci

e  nun si spiega

u to surrisu tristi

a mezzabucca era

comu a chiddi

a cui u distinu

quarcosa ci leva

pari a to mamma,

jo ma ricordu, cu

stissu nomu aveva

comu a tia.

26 giugno 2023

Ciro Gallo