Alla maniera di Ciullo d’Alcamo. Sulia

16 Dicembre 2022

Comu si bedda e santa

tu Sulia

cu la faccia d’ stidda

a prima sira

cu l’occhi bassi

tu a nuddu talii

e a passi svelti e

leggeri  camini

comu p’ scansari

mugghiuna ‘nta

la via

sempri   t’aspettu

alla funtana quannu

a inchiri la quaratra

veni e puru jo

la lancedda m’ portu

p’ taliariti vicinu

cu sa scusa

comu t’ l’aiu a diri

jo Sulia ch’

comu un pazzu

jo  p’ tia smaniu e

jornu e notti su

la stessa cosa

e  quasi  moru

p’ lu to disiu

comu un suli

asciucami  Sulia

li chiai d’ lu cori

a nudda ciù dumannu

tranni a tia

tu sula hai lu barsamu

p’ mia.

15 dicembre 2022

Ciro Gallo