Quannu ti visti

bedda fu surprisa

arrasasti di lu urgu

tu la petra

e l’acqua comu furia

sgurgau fora

e lu me cori

tuttu sparparau

siccu lu tirrenu

t’aspittava

pi rinfriscari li

erbi di lu chianu

e puru a mia l’arsura

di lu pettu mi livasti

ora m’abbriviru alla

to fonti frisca

ma di lu to sciatu

sempri siti resta

e chiù jo bivu e

chiù a mia nun basta

pirchì tuttu di tia

rosoliu

mi vogghiu ‘mbriacari

24 novembre 2022

Ciro gallo